بلوچستان حکومت نے شاہراہوں کی سکیورٹی کو بہتر بنانے کے لئے نئی فورس کے قیام کا اعلان کیا ہے جس پر 25 ارب روپے خرچ ہوں گے۔
کوئٹہ: (رائیٹ ناؤ نیوز) بلوچستان حکومت نے شاہراہوں کی حفاظت کو یقینی بنانے کے لئے نئی فورس کے قیام کا اعلان کیا ہے۔ یہ فیصلہ حالیہ سکیورٹی چیلنجز کے پیش نظر کیا گیا ہے۔
ایڈیشنل چیف سیکرٹری داخلہ حمزہ شفقات نے بتایا ہے کہ اس فورس کے قیام پر تقریباً 25 ارب روپے لاگت آئے گی۔ یہ فورس آئندہ 6 ماہ میں مکمل طور پر فعال کر دی جائے گی۔
حمزہ شفقات نے مزید کہا ہے کہ فورس کے قیام تک مال بردار گاڑیوں کو قافلوں کی شکل میں چلانے کی تجویز دی گئی ہے۔ انشورنس نظام بھی متعارف کرایا جائے گا تاکہ نقصان کی صورت میں معاوضہ دیا جا سکے۔
انہوں نے یہ بھی کہا کہ شاہراہوں پر جلائی گئی گاڑیوں کے معاوضے کا عمل تیز کیا جا رہا ہے تاکہ متاثرہ افراد کو جلد از جلد معاوضہ مل سکے۔
واضح رہے کہ بلوچستان کی شاہراہوں پر حالیہ واقعات کے بعد حکومت سکیورٹی کو بہتر بنانے کے لئے مختلف اقدامات کر رہی ہے۔ اس فورس کا قیام ان اقدامات کا حصہ ہے۔
