اسلام آباد: (رائیٹ ناؤ نیوز) حکومت نے پیٹرولیم مصنوعات کی قیمتوں میں کمی کا اعلان کیا ہے۔ پٹرول کی فی لیٹر قیمت میں ایک روپے 97 پیسے کی کمی کر دی گئی ہے۔ اس کمی کے بعد پٹرول کی نئی قیمت 297 روپے 53 پیسے فی لیٹر مقرر ہوئی ہے۔

اسی طرح ڈیزل کی قیمت میں بھی ایک روپے 97 پیسے کی کمی کی گئی ہے۔ ڈیزل کی نئی قیمت 309 روپے 50 پیسے فی لٹر ہو گئی ہے۔ پیٹرولیم ڈویژن نے اس بات کی تصدیق کی ہے کہ یہ نئی قیمتیں نافذ العمل ہو چکی ہیں۔

قیمتوں میں کمی کا اطلاق رات 12 بجے سے ہو گیا ہے اور اس سے عوام کو کچھ ریلیف ملنے کی توقع ہے۔ یہ اقدام عوامی مشکلات کو کم کرنے کے لیے کیا گیا ہے۔

واضح رہے کہ عالمی منڈی میں تیل کی قیمتوں میں اتار چڑھاؤ کا اثر ملکی قیمتوں پر بھی پڑتا ہے۔ حکومت کی کوشش ہے کہ عوام کو زیادہ سے زیادہ ریلیف فراہم کیا جائے۔