امجد صابری کی دسویں برسی پر ان کی قوالیاں آج بھی محبت سے سنی جاتی ہیں، ان کا فن زندہ ہے۔
کراچی: (رائیٹ ناؤ نیوز) آج معروف قوال امجد صابری کی دسویں برسی منائی جارہی ہے۔ برصغیر کے اس عظیم فنکار نے اپنی آواز اور قوالیوں سے لاکھوں دلوں کو متاثر کیا۔
امجد صابری نے عشقِ رسولؐ سے بھرپور کلام پیش کیا اور صابری برادران کی روایت کو فروغ دیا۔ وہ 23 دسمبر 1976 کو کراچی میں پیدا ہوئے اور انہوں نے اپنی مسحور کن آواز سے دنیا بھر میں مقبولیت حاصل کی۔
22 جون 2016 کو کراچی کے علاقے لیاقت آباد میں امجد صابری کو نامعلوم افراد کی فائرنگ سے شہید کردیا گیا۔ ان کی وفات نے پاکستان اور عالمی موسیقی حلقوں کو سوگوار کردیا تھا۔
امجد صابری کی قوالیاں آج بھی عقیدت اور محبت سے سنی جاتی ہیں۔ ان کی روحانی وراثت نئے فنکاروں کے لیے مشعلِ راہ بنی ہوئی ہے۔
واضح رہے کہ امجد صابری، غلام فرید صابری کے صاحبزادے اور مقبول احمد صابری کے بھتیجے تھے۔ ان کے فن نے صوفی موسیقی کی دنیا کو نئی جہت دی۔
