ابوظبی: (رائیٹ ناؤ نیوز) متحدہ عرب امارات نے اسرائیلی وزیراعظم نیتن یاہو کے دورہ امارات کی تردید کی ہے۔ یہ دورہ ایران جنگ کے دوران ہونے کا دعویٰ اسرائیلی وزیراعظم کے دفتر کی طرف سے کیا گیا تھا۔

اسرائیلی وزیراعظم  نیتن یاہو نے اماراتی صدر سے خفیہ ملاقات کی اور تعلقات میں پیش رفت کا دعویٰ کیا۔ تاہم اماراتی وزارت خارجہ نے ان دعوؤں کو بے بنیاد قرار دیا ہے۔

وزارت خارجہ کا کہنا ہے کہ اسرائیل کے ساتھ تعلقات ابراہیمی معاہدہ کے تحت ہیں، اور یہ خفیہ نہیں۔ انہوں نے میڈیا سے درست معلومات کی فراہمی کی درخواست کی ہے۔

یہ تردید اس وقت سامنے آئی جب اسرائیلی میڈیا نے موساد سربراہ کے اماراتی دورے کی بھی خبر دی۔ اس دوران یو اے ای نے بین الاقوامی تعلقات میں شفافیت کی اہمیت پر زور دیا ہے۔

یاد رہے کہ یو اے ای نے 2020 میں اسرائیل کے ساتھ ابراہیمی معاہدہ کیا تھا، جس کے بعد سے دونوں ممالک کے تعلقات میں بہتری آئی ہے۔