تہران: (رائیٹ ناؤ نیوز) ایرانی فوج کے ترجمان بریگیڈیئر جنرل محمد اکرمینیا نے اعلان کیا ہے کہ ایران آبنائے ہرمز سے کسی بھی ملک کو امریکی ہتھیاروں کی منتقلی کی اجازت نہیں دے گا۔ یہ بحری گزرگاہ ایرانی مسلح افواج کے مکمل کنٹرول میں ہے۔

ایرانی نیم سرکاری خبر رساں ادارے کے مطابق، ایرانی شہر مشہد میں گفتگو کرتے ہوئے بریگیڈیئر جنرل نے بتایا کہ آبنائے ہرمز کے مختلف حصوں پر ایرانی بحریہ اور آئی آر جی سی نیوی کا کنٹرول ہے۔

ترجمان نے مزید کہا کہ ایرانی فورسز کے مربوط کنٹرول سے ایران کی نگرانی اور اثر و رسوخ میں اضافہ ہوا ہے۔ ان کے بقول، اس کنٹرول سے ایران کی آمدنی تیل کی آمدنی سے دوگنا ہو سکتی ہے۔

ایرانی فوج نے غیر ملکی طاقتوں کو خبردار کیا ہے کہ ایرانی افواج کی نگرانی کے بغیر کوئی بھی آبنائے ہرمز سے نہیں گزر سکتا۔ انہوں نے کہا کہ ایران پابندیوں کو قبول نہیں کرے گا۔

یاد رہے کہ 28 فروری کو امریکا نے ایران پر حملے کیے تھے، جن کا مقصد ایرانی میزائل پروگرام کو ختم کرنا تھا۔ ان حملوں کے جواب میں ایران نے خطے میں امریکی اڈوں پر حملے کیے تھے۔