بیجنگ: (رائیٹ ناوٴ نیوز) چین کے وزیر خارجہ وانگ یی نے ایرانی ہم منصب عباس عراقچی کو پیغام دیا ہے کہ آبنائے ہرمز کو دوبارہ کھولنا عالمی برادری کی مشترکہ خواہش ہے۔

چینی سرکاری بیان کے مطابق، فون پر گفتگو کے دوران وانگ یی نے ایران کی خودمختاری، سلامتی اور جائز حقوق کے احترام پر زور دیا ہے۔

انھوں نے کہا کہ آبنائے کے ذریعے جہاز رانی کی آزادی اور آمدورفت کا تحفظ یقینی بنایا جانا چاہئے، تاکہ معمول کی آمدورفت بحال ہو سکے۔

وانگ یی کا کہنا تھا کہ موجودہ صورتحال جنگ اور امن کے درمیان نازک مرحلے پر ہے، اور امن کا موقع پیدا ہو چکا ہے۔

واضح رہے کہ ایرانی وزیر خارجہ عباس عراقچی نے کہا ہے کہ ایران پرامن مذاکرات کے ذریعے معقول حل کی تلاش جاری رکھے گا۔