اسلام آباد: (رائیٹ ناوٴ نیوز) چیئرمین پاکستان علما کونسل علامہ طاہر محمود اشرفی نے امریکی صدر ڈونلڈ ٹرمپ کی جانب سے سعودی ولی عہد شہزادہ محمد بن سلمان پر نازیبا الفاظ کے استعمال کی مذمت کی ہے۔

علامہ طاہر اشرفی نے اپنے بیان میں کہا کہ امریکی صدر کے الفاظ افسوسناک ہیں۔ انہوں نے مزید کہا کہ سعودی ولی عہد بہادر ہیں اور عالمی سازشوں کو سمجھتے ہیں۔

انہوں نے کہا کہ سعودی ولی عہد ایران پر حملہ کرنے کے حامی نہیں ہیں اور امن کے لیے کوشاں ہیں۔ عالمی سطح پر ایران پر حملوں کے بعد مسلم دنیا غمزدہ ہے۔

علامہ طاہر اشرفی نے کہا کہ سعودی عرب، پاکستان اور ترکی خطے میں امن کے لیے کام کر رہے ہیں۔ امریکا اور صہیونی لابی اس پروپیگنڈا میں مبتلا ہیں کہ یہ ممالک ان کے زیر اثر نہیں آ رہے۔

یاد رہے کہ امریکی صدر نے میامی میں سعودی انوسٹمنٹ فورم سے خطاب کے دوران سعودی ولی عہد کے لیے نازیبا الفاظ استعمال کیے۔ انہوں نے کہا کہ محمد بن سلمان کو میری چاپلوسی کرنی پڑے گی۔