اسلام آباد: (رائیٹ ناوٴ نیوز)وزیر اعظم محمد شہباز شریف کو یورپی کونسل کے صدر انتونیو کوسٹا کی ٹیلی فون کال موصول ہوئی۔ دونوں رہنماؤں نے مشرق وسطیٰ کی موجودہ صورتحال اور خطے میں امن کی کوششوں پر تبادلہ خیال کیا۔

وزیر اعظم نے صدر کوسٹا کو خطے میں کشیدگی کم کرنے کے لیے پاکستان کی سفارتی کوششوں سے آگاہ کیا۔ انہوں نے کہا کہ پاکستان مذاکرات، رابطے اور سیاسی حل کی حمایت جاری رکھے ہوئے ہے۔

صدر انتونیو کوسٹا نے خطے میں مذاکرات اور استحکام کے فروغ کے لیے پاکستان کے کردار کو سراہا۔ انہوں نے اس بات پر زور دیا کہ موجودہ صورتحال میں سفارت کاری اور مسلسل رابطہ نہایت اہم ہے۔

دونوں رہنماؤں نے علاقائی اور عالمی سلامتی کے لیے بات چیت کا سلسلہ جاری رکھنے کی ضرورت پر اتفاق کیا۔ اس موقع پر یورپی یونین کی جانب سے بھی خطے میں مذاکراتی عمل کی حمایت کا اعادہ کیا گیا۔

یاد رہے کہ پاکستان مشرق وسطیٰ میں کشیدگی کم کرنے اور امن کے قیام کے لیے مسلسل سفارتی رابطے کر رہا ہے، جبکہ یورپی یونین کی حمایت اس عمل کو مزید اہم بنا رہی ہے۔