اسلام آباد: (رائیٹ ناوٴ نیوز) وفاقی وزیر اطلاعات عطا تارڑ نے کہا ہے کہ کوئی سیاسی لیڈر پاکستان سے بڑا نہیں ہے۔ انہوں نے زلفی بخاری اور بانی پی ٹی آئی کے بیٹوں کی عارف اجاکیہ سے ملاقات پر شدید تنقید کی۔

پریس کانفرنس میں عطا تارڑ نے کہا کہ مشرق وسطیٰ میں کشیدگی کم کرنے کے لیے پاکستان کا کلیدی کردار ہے۔ وزیراعظم اور فیلڈ مارشل نے سفارتی محاذ پر ملک کا لوہا منوایا ہے۔

عطا تارڑ نے مزید کہا کہ بھارت ہماری کامیابیوں سے پریشان ہے اور جنیوا اجلاس میں بھی غیر معمولی صورتحال رہی۔ پی ٹی آئی کے افراد عارف اجاکیہ جیسے لوگوں سے مل کر سازش کرتے ہیں۔

انہوں نے واضح کیا کہ اوچھے ہتھکنڈے پاکستان کو نقصان نہیں پہنچا سکتے۔ تاہم، سازش کرنے والوں کا مکروہ چہرہ دنیا دیکھ رہی ہے۔

یاد رہے کہ عطا تارڑ نے پی ٹی آئی پر الزام عائد کیا کہ وہ آئی ایم ایف کو خط لکھ کر ڈیفالٹ کی دعائیں کرتے ہیں، لیکن پاکستان مضبوط رہے گا۔