سان فرانسسکو: (رائیٹ ناوٴ نیوز) یوٹیوب نے ایک نیا فیچر ‘یور کاسٹیوم فیڈ’ متعارف کرایا ہے جو صارفین کی دلچسپی کے مطابق ویڈیوز تلاش کرنے میں مدد کرے گا۔ یہ فیچر ان صارفین کے لیے مفید ہوگا جو یوٹیوب کے موجودہ الگورتھم سے مطمئن نہیں ہیں۔

یہ فیچر صارفین کو اپنی پسند کی ویڈیوز کے بارے میں ہدایات دینے کی سہولت فراہم کرتا ہے، جس سے وہ اپنے مواد کو بہتر طور پر منتخب کر سکیں گے۔

نیا فیچر یوٹیوب کے ہوم پیج پر ہوم بٹن کے برابر میں دستیاب ہوگا، جہاں صارفین اپنی دلچسپی کے مطابق مواد کے بارے میں معلومات فراہم کر سکیں گے۔

مثال کے طور پر، اگر کوئی صارف کھانا پکانے کی ویڈیوز دیکھنا چاہتا ہے، تو وہ اپنی فیڈ کو اسی طرح ترتیب دے سکتا ہے اور مستقبل میں یوٹیوب اس موضوع سے متعلق ویڈیوز زیادہ دکھائے گا۔\n\nیہ نیا فیچر صارفین کے لیے ویڈیوز کی تلاش کو بہت آسان بنا دے گا اور انہیں بار بار ‘ناٹ انٹرسٹڈ’ یا ‘ڈونٹ ریکومینڈ چینل’ آپشنز پر کلک کرنے کی ضرورت نہیں ہوگی۔