اسلام آباد: (رائیٹ ناؤ نیوز) گوگل کے نائب صدر ولسن وائٹ نے اعلان کیا ہے کہ پاکستان کے تمام طلبہ کو گوگل جیمنائی کی سبسکرپشن ایک سال کے لیے مفت فراہم کی جائے گی۔ یہ اعلان اسی ہفتے کے آخر میں باضابطہ طور پر کیا جائے گا۔

پاکستان میں گوگل کے آفس کا افتتاح وزیر اعظم شہباز شریف نے کیا تھا۔ گوگل کی جانب سے یہ سبسکرپشن تعلیمی ترقی کے لیے اہم قدم ہے۔

ولسن وائٹ نے بتایا کہ وزیر اعظم شہباز شریف کا پاکستان کو آئی ٹی برآمدات کا مرکز بنانے کا عزم گوگل کے مقاصد سے ہم آہنگ ہے۔ گوگل نے پاکستان میں 3.9 ٹریلین روپے سے زیادہ کی معاشی سرگرمی میں حصہ لیا ہے۔

گوگل کی سرگرمیوں کے نتیجے میں پاکستان میں 9 لاکھ 60 ہزار سے زائد ملازمتوں کو سہارا ملا ہے۔ ولسن وائٹ کا کہنا ہے کہ یہ صرف آغاز ہے اور مزید مواقع فراہم ہوں گے۔

واضح رہے کہ پاکستان میں گوگل کے لیے بے پناہ مواقع موجود ہیں۔ گوگل پاکستانی نوجوانوں اور ٹیکنالوجی کے شعبے کے لیے اہم کردار ادا کرسکتا ہے۔