حکومت نے 3 مزید بجلی گھروں کی نجکاری کا فیصلہ کیا ہے، وزیراعظم کے مشیر محمد علی نے اعلان کیا۔
اسلام آباد: (رائیٹ ناوٴ نیوز) حکومت نے تین مزید بجلی گھروں کو نجکاری فہرست میں شامل کرنے کا فیصلہ کر لیا ہے، جن میں جامشورو پاور پلانٹ اور دو ایل این جی سے چلنے والے بجلی گھر شامل ہیں۔
وزیراعظم کے مشیر برائے نجکاری محمد علی نے کہا ہے کہ یہ ادارے پہلے مختلف وجوہات کی بنا پر فہرست سے نکالے گئے تھے، لیکن اب ان کی نجکاری کا عمل دوبارہ شروع کرنے کا فیصلہ کیا گیا ہے۔
اجلاس میں مشیر نے بتایا کہ حکومت بجلی کے شعبے کو سالانہ تقریباً 1.2 ٹریلین روپے کی سبسڈی دیتی ہے تاکہ قیمتوں کے فرق، قرضوں کی ادائیگی اور بجلی چوری جیسے نقصانات کو پورا کیا جا سکے۔
انہوں نے خبردار کیا کہ اگر تقسیم کار کمپنیوں کی نجکاری نہ کی گئی تو ملک کو شدید مالی مشکلات کا سامنا کرنا پڑ سکتا ہے۔
حکومت نے ابتدائی طور پر اسلام آباد، فیصل آباد اور گوجرانوالہ کی نجکاری کے لیے بین الاقوامی مالیاتی مشیر کمپنی ‘ایلویریس اینڈ مارسال’ کو تعینات کیا ہے۔
