کراچی: (رائیٹ ناؤ نیوز) مٹسوبشی نے اپنی مشہور ایس یو وی پجیرو کی پانچویں جنریشن کو متعارف کرادیا ہے۔ یہ گاڑی نئے ڈیزائن اور جدید فیچرز کے ساتھ مارکیٹ میں پیش کی گئی ہے۔

نئی پجیرو کو سات نشستوں والی فلیگ شپ آف روڈ ایس یو وی کے طور پر تیار کیا گیا ہے۔ اسے مٹسوبشی ٹرائٹن پک اپ کے مضبوط سیڑھی نما فریم پر بنایا گیا ہے۔

کمپنی کے مطابق اس گاڑی کی فروخت پہلے تھائی لینڈ میں شروع ہوگی، جبکہ جاپان اور آسٹریلیا میں مارچ 2027 کے اختتام تک متعارف کرائی جائے گی۔

یہ گاڑی طاقتور ڈیزل انجن، سات نشستوں والی کشادہ کابین اور جدید فور وہیل ڈرائیو نظام کے ساتھ مشکل راستوں پر کارکردگی دکھانے کی صلاحیت رکھتی ہے۔

واضح رہے کہ مٹسوبشی پجیرو کی واپسی اپنے معروف آف روڈ نام کو جدید شکل میں واپس لانے کی کوشش کا حصہ ہے، جسے عالمی مارکیٹ میں مثبت ردعمل کی توقع ہے۔