اسلام آباد: (رائیٹ ناؤ نیوز) وزیر اعظم شہباز شریف نے کہا ہے کہ شنگھائی تعاون تنظیم علاقائی تعاون کا اہم فورم بن چکی ہے۔ انہوں نے کہا کہ یہ تنظیم 3 ارب سے زائد لوگوں کی زندگیوں میں بامعنی بہتری لائے گی۔

وزیر اعظم شہباز شریف نے ایس سی او کونسل آف ہیڈز آف اسٹیٹ اجلاس سے خطاب کو اپنے لئے اعزاز قرار دیا ہے۔ انہوں نے کرغزستان کو اجلاس کی کامیاب میزبانی پر مبارکباد دی۔

پاکستان نے 2027 کے لئے شنگھائی تعاون تنظیم کی سربراہی سنبھال لی ہے۔ شہباز شریف نے کہا کہ گزشتہ 25 برسوں میں یہ فورم علاقائی تعاون کا اہم مرکز بن چکا ہے۔

وزیر اعظم نے کہا کہ پاکستان کی ایس سی او سربراہی کا موضوع ”تصور کو عمل میں بدلنا” ہوگا۔ انہوں نے کہا کہ پاکستان خطے میں امن اور ترقی کے لئے کوششیں جاری رکھے گا۔

واضح رہے کہ شنگھائی تعاون تنظیم کا قیام عالمی امن و استحکام کے لئے اہم قدم ہے۔ ایس سی او کی ترقیاتی حکمت عملی 2035 پر عملدرآمد ضروری ہے۔