اسلام آباد: (رائیٹ ناؤ نیوز) ملک بھر میں حریت رہنما سید علی شاہ گیلانی کی پانچویں برسی عقیدت و احترام کے ساتھ منائی گئی۔ آزاد و مقبوضہ کشمیر میں ان کے حق خودارادیت کے عزم کو یاد کیا گیا۔

سید علی گیلانی نے تقریباً 7 دہائیاں کشمیریوں کے حق خودارادیت کی حمایت میں گزار دیں۔ انہوں نے آخری سانسوں میں بھی پاکستان کی سلامتی کے لیے دعا کی۔

گیلانی نے 1972، 1977 اور 1987 میں مقبوضہ کشمیر کی قانون ساز اسمبلی کی رکنیت بھی حاصل کی۔ آخری 11 برس انہوں نے نظر بندی میں گزارے۔

ان کی وفات کے بعد ان کے جسد خاکی کو پاکستانی پرچم میں لپیٹ کر دفن کیا گیا۔ ان کی جدوجہد آزادی کشمیر کے لیے ایک مثال بنی رہی۔

واضح رہے کہ سید علی گیلانی یکم ستمبر 2021 کو نظر بندی کے دوران دنیا سے رخصت ہوئے۔ ان کی برسی پر حافظ نعیم الرحمن نے ان کی جدوجہد کو خراج عقیدت پیش کیا۔