لندن: (رائیٹ ناؤ نیوز) قومی ٹیسٹ ٹیم کے کپتان بابراعظم نے کہا ہے کہ کوئی کھلاڑی اہم نہیں، جس کی ٹیم کو ضرورت ہوگی وہی کھیلے گا۔ انہوں نے کہا کہ بہترین دستیاب کھلاڑیوں کا استعمال کریں گے۔

لارڈز میں پریس کانفرنس کے دوران بابراعظم نے بتایا کہ پچ دیکھنے کے بعد فائنل الیون کا فیصلہ ہوگا۔ ٹیم کی مجموعی ذمہ داری ہوتی ہے کہ بہترین کارکردگی دکھائیں۔

کپتان نے کہا کہ بولرز کو 20 آؤٹ کرنا ہوں گے جبکہ بیٹرز کو رنز بنانے ہیں۔ جو کھلاڑی پرفارم نہیں کر رہے، انہیں اعتماد دینا ہوگا۔ سینئر کھلاڑیوں پر بوجھ نہیں بلکہ ذمہ داری ہے۔

بابراعظم نے مزید کہا کہ لارڈز میں جیت کا تسلسل برقرار رکھنے کی کوشش کریں گے۔ پہلے ٹیسٹ میں خامیوں پر بات چیت کی گئی ہے۔ انہوں نے عبداللہ شفیق کے کھیلنے کے مقام پر بھی گفتگو کی۔

یاد رہے کہ بابراعظم نے پارٹنرشپ کے بعد وکٹوں کے گرنے پر بھی توجہ دی ہے۔ ان کا کہنا ہے کہ اس بار پرفارمنس مختلف ہوگی اور وہ سیریز کے لئے 90 فیصد فٹ ہیں۔