اسلام آباد: (رائیٹ ناؤ نیوز) حکومت نے پٹرولیم مصنوعات کی قیمتوں میں اضافے کا اعلان کر دیا ہے۔ وزارتِ توانائی کے پٹرولیم ڈویژن نے بتایا ہے کہ اوگرا کی نظرثانی شدہ پٹرولیم پرائسنگ میکانزم کے تحت قیمتیں بڑھائی گئی ہیں۔

اعلامیے کے مطابق ہائی اسپیڈ ڈیزل کی قیمت میں 1 روپے 11 پیسے فی لیٹر اضافہ ہوا ہے۔ ڈیزل کی ایکس ڈپو قیمت 370 روپے 69 پیسے سے بڑھ کر 371 روپے 80 پیسے فی لیٹر ہو گئی ہے۔

پٹرول کی قیمت میں بھی 1 روپے 12 پیسے فی لیٹر اضافہ کیا گیا ہے۔ اضافے کے بعد پٹرول کی نئی ایکس ڈپو قیمت 343 روپے 10 پیسے فی لیٹر مقرر کی گئی ہے، جبکہ پہلے یہ 341 روپے 98 پیسے فی لیٹر تھی۔

حکومت نے نوٹیفکیشن میں واضح کیا ہے کہ نئی قیمتیں 26 اور 27 اگست 2026 کے لیے مقرر کی گئی ہیں۔ یہ اضافہ عالمی مارکیٹ میں خام تیل کی قیمتوں میں اتار چڑھاؤ کے باعث کیا گیا ہے۔

یاد رہے کہ عالمی مارکیٹ میں امریکی خام تیل کی قیمت میں 3.15 فیصد کمی ہوئی ہے۔ جبکہ برطانوی برینٹ خام تیل کی قیمت میں بھی 3.62 فیصد کمی ریکارڈ کی گئی ہے۔