آبنائے ہرمز: (رائیٹ ناؤنیوز). آبنائے ہرمز میں چھ ماہ کے دوران ایران، امریکا اور اسرائیل کے درمیان جاری تنازع میں تجارتی جہازوں پر 68 حملے ہوئے ہیں۔ ان حملوں میں 20 افراد جاں بحق اور 35 زخمی ہوئے ہیں۔

عالمی میری ٹائم آرگنائزیشن نے بتایا ہے کہ خلیج میں 68 واقعات کی تصدیق ہوئی ہے۔ ان واقعات میں 20 افراد جان سے گئے، جبکہ 35 زخمی اور ایک لاپتا ہے۔

اقوام متحدہ کی میری ٹائم ایجنسی کے مطابق ان حملوں نے تجارتی جہاز رانی اور توانائی کی ترسیل کے حوالے سے خدشات بڑھا دیے ہیں۔

آبنائے ہرمز اہم سمندری گزرگاہ ہے، جہاں سے تیل اور گیس کی ترسیل ہوتی ہے۔ ان واقعات نے عالمی منڈیوں پر اثر ڈالا ہے۔

واضح رہے کہ آبنائے ہرمز میں لائبیریا، پاناما اور مارشل آئی لینڈز کے جہاز زیادہ متاثر ہوئے ہیں۔ ان جہازوں پر حملوں کے بعد انشورنس اور سیکیورٹی کے مسائل بڑھ گئے ہیں۔