برسلز: (رائیٹ ناؤ نیوز) بیلجیئم کے جنگلات میں لگنے والی آگ نے تباہی مچا دی ہے۔ یورپی یونین نے آگ پر قابو پانے کے لیے 3 ہیلی کاپٹر اور 2 واٹر بمبار طیارے بھیجے ہیں۔

بیلجیئم کے علاقے ہائی فینز میں آگ نے 1 ہزار 600 ہیکٹر رقبہ جلایا ہے۔ یہ ملک کی تاریخ کی سب سے بڑی جنگلاتی آگ قرار دی جا رہی ہے۔

انتظامیہ نے بتایا ہے کہ آگ نے 2011 میں لگنے والی جنگلات کی آگ کا ریکارڈ توڑ دیا ہے، جس میں 1 ہزار 400 ہیکٹر رقبہ متاثر ہوا تھا۔

مقامی فائر فائٹرز، کسان اور فوج آگ بجھانے کی کوشش میں مصروف ہیں، لیکن گرم موسم کے باعث آگ تیزی سے پھیل رہی ہے۔

واضح رہے کہ حکومت نے بیلجیئم کے گاؤں سور بروڈٹ کے رہائشیوں کو انخلا کے لیے تیار رہنے کی ہدایت کی ہے۔ بچوں کے سمر کیمپ کو بھی خالی کرا دیا گیا ہے۔