باغ: (رائیٹ ناؤ نیوز) آزاد کشمیر کے حلقہ ایل اے 16 باغ 3 اور ایل اے 15 باغ 2 کے 23 پولنگ اسٹیشنز پر کل دوبارہ پولنگ ہوگی۔ انتخابات کے لئے تمام انتظامات مکمل کر لئے گئے ہیں اور سیکیورٹی اہلکاروں کی تعیناتی عمل میں آ چکی ہے۔

ترجمان کے مطابق ایل اے 16 باغ 3 کے 14 پولنگ اسٹیشنز پر کل 7 ہزار 238 ووٹرز اپنا حق رائے دہی استعمال کریں گے۔ اس حوالے سے انتخابی عملہ اور سیکیورٹی کو تعینات کر دیا گیا ہے۔

اسی طرح حلقہ ایل اے 15 باغ 2 کے 9 پولنگ اسٹیشنز پر 5 ہزار 32 ووٹرز رجسٹرڈ ہیں۔ یہاں بھی پولنگ کا عمل پرامن اور شفاف انداز میں مکمل کرنے کے لئے انتظامات کر لئے گئے ہیں۔

ترجمان نے کہا ہے کہ دوبارہ پولنگ کے لئے انتخابی عملہ اور سیکیورٹی اہلکار متعلقہ پولنگ اسٹیشنز پر تعینات کر دیئے گئے ہیں۔ پولنگ کے عمل کی نگرانی اور سیکیورٹی کو یقینی بنانے کے لئے تمام اقدامات مکمل کر لئے گئے ہیں۔

واضح رہے کہ پی ایس 30 خیرپور ضمنی انتخاب میں انتخابی ضابطہ اخلاق کی خلاف ورزی پر مزید 6 مقامی عہدیداروں کو نوٹس جاری کیا گیا ہے۔ دوبارہ پولنگ کے دوران ووٹرز کو مکمل سہولیات فراہم کی جائیں گی اور پولنگ کے عمل کو شفاف بنانے کے لئے ہر ممکن اقدامات کئے گئے ہیں۔