اسکردو: (رائیٹ ناؤ نیوز) براڈ پیک پر برفانی تودہ گرنے سے لاپتا پاکستانی کوہ پیما سہیل سخی کی لاش مل گئی۔

بیس کیمپ ذرائع نے تصدیق کی ہے کہ لاش براڈ پیک ٹریکنگ کے دوران پورٹرز کو ملی۔ لاش کی شناخت سہیل سخی کے نام سے ہوئی ہے۔

ذرائع کے مطابق سہیل سخی کی لاش بیس کیمپ پہنچائی گئی، جہاں سے ہیلی کاپٹر کے ذریعے اسکردو منتقل کی جائے گی۔

کوہ پیما سہیل سخی کا تعلق ہنزہ سے تھا اور وہ براڈ پیک کی بلندی کو سر کرنے کی کوشش کر رہے تھے۔

واضح رہے کہ 15 روز قبل برفانی تودہ گرنے سے 10 کوہ پیما لاپتا ہوگئے تھے، جن میں 7 کی لاشیں مل چکی ہیں۔