اسلام آباد: (رائیٹ ناؤنیوز) وفاقی وزیر طارق فضل چودھری نے کہا ہے کہ پیپلزپارٹی نے آزادکشمیر کے الیکشن کو متنازعہ بنانے کی کوشش کی ہے۔ انہوں نے کہا کہ اگر پیپلزپارٹی کے پاس دھاندلی کے ثبوت ہوتے تو انہیں پیش کرنا چاہیے تھا۔

طارق فضل چودھری نے مزید کہا کہ پیپلزپارٹی کی جانب سے سیاسی وضع داری کا خیال نہیں رکھا گیا۔ انہوں نے کہا کہ شکایات کشمیر سے کی جاتی ہیں، لیکن پریس کانفرنسز کراچی میں ہوتی ہیں۔

انہوں نے کہا کہ آئندہ ہفتے آزادکشمیر میں نئی حکومت بن جائے گی۔ طارق فضل چودھری نے کہا کہ ججز پر کریمنل ریکارڈ کے الزامات درست نہیں ہیں۔

وفاقی وزیر نے کہا کہ 27 ستمبر کو حکومت کو کوئی خطرہ نہیں ہے۔ انہوں نے مزید کہا کہ اسلام آباد میں مسلح جتھوں کے داخلے کی اجازت نہیں ہوگی۔

یاد رہے کہ تحریک انصاف داخلی تقسیم کا شکار ہے، اور حالیہ بیانات کے بعد سیاسی ماحول میں تناؤ بڑھ گیا ہے۔