اسلام آباد: (رائیٹ ناؤنیوز) نادرا نے شہریوں کے لیے بنیادی سروسز کی فراہمی کو مزید آسان بنا دیا ہے۔ اب شناختی کارڈ یا فیملی رجسٹریشن سرٹیفکیٹ لینے کے لیے لمبی قطاروں کا سامنا نہیں کرنا پڑے گا۔

نادرا نے اے ٹی ایم طرز کی مشین متعارف کروائی ہے جو شناختی کارڈ سے متعلق خدمات فراہم کرتی ہے۔ شہری اس مشین کے ذریعے اپنی شناخت کی تصدیق کر کے خدمات حاصل کر سکتے ہیں۔

یہ سیلف سروس کیاسک مشین ہے جو کہ صارفین کو مختلف مراحل کی رہنمائی کرتی ہے۔ نادرا نے اسے آسانی سے قابل استعمال بنایا ہے تاکہ عوام کو کم وقت میں خدمات مل سکیں۔

ترجمان نادرا سید شباحت علی نے بتایا ہے کہ 65 سے 70 فیصد لوگ ان مشینوں کے ذریعے بغیر رش کے اپنی خدمات حاصل کر سکتے ہیں۔

یاد رہے کہ نادرا کی یہ کوشش شہریوں کو جدید ٹیکنالوجی کے ذریعے سہولیات فراہم کرنے کی سمت میں ایک اہم قدم ہے۔