اسلام آباد: (رائیٹ ناؤ نیوز) چیئرمین پیپلز پارٹی بلاول بھٹو زرداری نے مکہ مشترکہ دفاعی معاہدے کو ملکی تاریخ کا اہم سنگ میل قرار دیا ہے۔ بلاول بھٹو نے اپنے بیان میں کہا کہ یہ معاہدہ ہماری دفاعی صلاحیتوں کو مزید مضبوط کرے گا اور یہ تاریخی پیشرفت ہے۔

انہوں نے مزید کہا کہ سعودی عرب، پاکستان اور ترکیے کا محفوظ مستقبل اس معاہدے سے وابستہ ہے۔ بلاول نے معاہدے کے ممکن بنانے میں کردار ادا کرنے پر وزیراعظم اور فیلڈ مارشل کی ستائش کی۔

وزیراعظم شہباز شریف نے کہا کہ فیلڈ مارشل کی کوششوں سے یہ مشترکہ وژن حقیقت میں بدلا ہے۔ وزیراعظم نے معاہدے کو خطے اور عالمی امن کے لیے تاریخی دستاویز قرار دیا ہے۔

ترکی کے صدر رجب طیب اردوان نے کہا کہ یہ معاہدہ ہماری اجتماعی دفاعی صلاحیت کو مزید مضبوط بنائے گا۔ انہوں نے کہا کہ یہ معاہدہ سکیورٹی اور دفاعی تعاون میں اہم کردار ادا کرے گا۔

یاد رہے کہ مکہ دفاعی معاہدہ تینوں ممالک کے درمیان مشترکہ دفاعی تعاون کو فروغ دینے کے لیے کیا گیا ہے، جس کا مقصد علاقائی استحکام اور عالمی امن کو یقینی بنانا ہے۔