اسلام آباد: (رائیٹ ناؤنیوز) حکومت نے شہدا اور غازیوں کو سول اعزازات دینے کی منظوری دے دی ہے۔ 78 افراد کی فہرست جاری کی گئی ہے جو مختلف کیٹیگریز میں اعزازات حاصل کریں گے۔

وفاقی وزیر داخلہ محسن نقوی کی زیر صدارت اجلاس میں شہدا اور غازیوں کی حوصلہ افزائی کے لیے سول ایوارڈز دینے کا فیصلہ کیا گیا۔ یہ فیصلہ ملک و قوم کے لیے جان نچھاور کرنے والوں کی قربانیوں کے اعتراف میں کیا گیا ہے۔

اجلاس میں وفاقی وزیر داخلہ نے کہا کہ ان کی قربانیوں کو سراہنا قومی ذمہ داری ہے۔ اس اجلاس میں وفاقی حکام اور چاروں صوبوں کے نمائندوں نے شرکت کی۔

شہدا اور غازیوں کی قربانیاں قوم کا اثاثہ ہیں، ان کی جانفشانی کو ہمیشہ یاد رکھا جائے گا۔ ان اعزازات کا مقصد ان کی عظیم قربانیوں کا اعتراف ہے۔

یاد رہے کہ یہ اعزازات اُن افراد کو دیے جاتے ہیں جنہوں نے ملک کے لیے جان کی قربانی دی یا غیر معمولی شجاعت کا مظاہرہ کیا۔