واشنگٹن: (رائیٹ ناؤنیوز) امریکی صدر ڈونلڈ ٹرمپ نے وزیر دفاع پیٹ ہیگستھ پر مکمل اعتماد کا اظہار کیا ہے۔ انہوں نے واشنگٹن پوسٹ کی رپورٹ کو بے بنیاد قرار دیا ہے۔

سوشل میڈیا پر جاری بیان میں، ٹرمپ نے کہا کہ پیٹ ہیگستھ شاندار کارکردگی کا مظاہرہ کر رہے ہیں۔ انہوں نے واشنگٹن پوسٹ کی رپورٹ کو مکمل طور پر جھوٹا کہا ہے۔

ٹرمپ نے دعویٰ کیا ہے کہ ایران کی جوہری صلاحیت کو شدید نقصان پہنچایا گیا ہے۔ وینزویلا سے متعلق آپریشن ایک دن سے بھی کم وقت میں مکمل کیا گیا ہے۔

امریکی صدر نے کہا کہ فوج میں بھرتیاں تاریخی سطح تک پہنچ چکی ہیں اور پیٹ ہیگستھ نے ڈی ای آئی (Diversity, Equity, Inclusion) کی پالیسی ختم کرنے میں اہم کردار ادا کیا ہے۔

یاد رہے کہ ٹرمپ نے واشنگٹن پوسٹ کی رپورٹنگ کو "غداری کے مترادف” قرار دیتے ہوئے اس پر شدید تنقید کی ہے۔