اسلام آباد: (رائیٹ ناؤ نیوز) مشیر وزیرخزانہ خرم شہزاد نے کہا کہ گزشتہ مالی سال نجی شعبے کو 11.38 کھرب روپے قرض دیا گیا۔ یہ رقم گزشتہ 4 سالوں میں بلند ترین سطح پر پہنچی ہے۔

خرم شہزاد کے مطابق مالی سال 26-2025 میں نجی شعبے کو دیے گئے قرض میں تقریباً 15 فیصد اضافہ ہوا۔ یہ اضافہ کاروبار اور پیداواری سرگرمیوں کے فروغ کی عکاسی کرتا ہے۔

انہوں نے مزید کہا کہ 89 فیصد نئے قرضے مینوفیکچرنگ، تھوک و پرچون تجارت اور زراعت کے شعبوں کو فراہم کیے گئے ہیں۔ یہ مالی معاونت کاروباری اعتماد میں اضافہ کر رہی ہے۔

خرم شہزاد کے بیان کے مطابق مینوفیکچرنگ سیکٹر کو 657 ارب روپے کے نئے قرضے دیے گئے۔ یہ صنعتی سرگرمیوں اور پیداواری صلاحیت میں توسیع کی عکاسی کرتے ہیں۔

یاد رہے کہ تجارت اور زراعت میں معاونت سے پیداوار اور نجی سرمایہ کاری میں بہتری آئی ہے۔ نجی شعبے میں بڑھتا قرضہ معاشی استحکام کی جانب مثبت پیشرفت کا مظہر ہے۔