سیالکوٹ: (رائیٹ ناؤ نیوز) وزیر دفاع خواجہ آصف نے انکشاف کیا ہے کہ آزادکشمیر انتخابات میں پی ٹی آئی نے پیپلز پارٹی کے امیدواروں کی حمایت کی ہے۔ انہوں نے بتایا کہ کچھ مقامات پر دونوں پارٹیوں کی مشترکہ کاوش نظر آئی۔

خواجہ آصف نے سیالکوٹ میں گفتگو کرتے ہوئے کہا کہ وہ گزشتہ 55 سال سے کشمیر کے انتخابات دیکھ رہے ہیں۔ اس بار شہر میں ووٹر ٹرن آؤٹ زیادہ رہا، جس کے لیے پارٹی نے محنت کی ہے۔

ان کے مطابق شہر میں 45 فیصد سے زائد ووٹرز نے حق رائے دہی استعمال کیا ہے۔ انہوں نے کہا کہ پیپلز پارٹی نے آخری مرتبہ یہ شہر 1970 میں جیتا تھا، اب اس کی پذیرائی ختم ہو چکی ہے۔

خواجہ آصف نے وضاحت کی کہ پی ٹی آئی نے پیپلز پارٹی کے امیدواروں کی حمایت کی ہے، اور کچھ جگہوں پر دونوں پارٹیوں کی مشترکہ کوشش نظر آئی۔

یاد رہے کہ پاکستان تحریک انصاف نے آزاد کشمیر قانون ساز اسمبلی کے انتخابات کا بائیکاٹ کیا تھا۔