تھرپارکر: (رائیٹ ناؤ نیوز) تھرپارکر اور عمرکوٹ میں حالیہ بارشوں کے نتیجے میں مختلف حادثات پیش آئے۔ ان حادثات میں 7 افراد جاں بحق اور 2 زخمی ہوگئے ہیں۔

تھرپارکر میں آسمانی بجلی کے گرنے سے 3 افراد جاں بحق ہوئے۔ ایک شخص پانی میں ڈوب کر جاں بحق ہوا جبکہ دو افراد بارش کے پانی بننے والے گڑھوں میں گر کر جاں بحق ہوئے۔

عمرکوٹ میں بارش کے دوران ایک شخص ڈوب کر جاں بحق ہوا۔ دیگر مختلف حادثات میں 2 افراد زخمی ہوئے جنہیں طبی امداد کے لیے اسپتال منتقل کیا گیا۔

حکام نے بتایا ہے کہ متاثرہ علاقوں میں امدادی کارروائیاں جاری ہیں۔ شہریوں کو ہدایت کی گئی ہے کہ نشیبی علاقوں اور کھلے گڑھوں سے دور رہیں۔

واضح رہے کہ سندھ کے یہ علاقے اکثر بارشوں کے دوران حادثات کا شکار ہوتے ہیں۔ مقامی انتظامیہ کی جانب سے حفاظتی اقدامات کی اپیل کی جاتی رہی ہے۔