آزاد کشمیر: (رائیٹ ناؤنیوز) قائم مقام صدر آزاد جموں و کشمیر چوہدری لطیف اکبر پر انتخابی عمل کے دوران حملہ ہوا۔ پیپلز پارٹی نے الیکشن کمیشن سے فوری کارروائی کا مطالبہ کیا ہے۔

پیپلز پارٹی کے مطابق حملہ یاسر شاہ، احمد شاہ اور فواد شاہ نے کیا۔ پارٹی نے کہا کہ یہ حملہ ریاستی آئینی منصب پر حملہ ہے، جس کے لیے ادارہ جاتی ردعمل ضروری ہے۔

واقعے کے بعد ایف آئی آر درج کی جا رہی ہے اور ملزمان کی گرفتاری کے لیے کارروائی جاری ہے۔ وزیراعظم آزاد کشمیر نے حملے کا نوٹس لیتے ہوئے فوری کارروائی کی ہدایت دی ہے۔

چوہدری لطیف اکبر کے حلقہ انتخاب میں پیپلز پارٹی کارکن مشتاق شاہ کو قاتلانہ حملے میں شہید کر دیا گیا۔ بلاول بھٹو زرداری نے اس کی مذمت کی اور لواحقین سے اظہار تعزیت کیا۔

یاد رہے کہ آزاد کشمیر میں انتخابات کے دوران کشیدگی میں اضافہ ہو گیا ہے۔ مسلم لیگ (ن) پر پیپلز پارٹی نے دھاندلی اور جبر کا الزام عائد کیا ہے۔