اسلام آباد: (رائیٹ ناؤنیوز) پاکستان کے شمالی علاقہ جات میں براڈ پیک پر برفانی تودے کے نتیجے میں برطانوی نژاد نیپالی کوہ پیما نرمل پرجا سمیت 10 کوہ پیماؤں کی ہلاکت کی تصدیق ہو گئی ہے۔

نرمل پرجا کی کمپنی ’ایلیٹ ایکسپیڈیشنز‘ نے بتایا ہے کہ 43 سالہ نرمل پرجا براڈ پیک پر حادثے میں جاں بحق ہو گئے ہیں۔ حادثے کے وقت وہ ایک بین الاقوامی مہم کی قیادت کر رہے تھے۔

پاکستانی حکام کے مطابق ہلاک ہونے والوں میں امریکا، عمان اور نیپال کے کوہ پیما بھی شامل ہیں۔ ریسکیو ٹیمیں لاپتا کوہ پیماؤں کی تلاش کے لیے کارروائیاں کر رہی ہیں۔

واضح رہے کہ نرمل پرجا نے 2019 میں دنیا کی 14 بلند ترین چوٹیوں کو 189 دن میں سر کر کے عالمی ریکارڈ قائم کیا تھا۔ ان کی کامیابیاں انہیں عالمی شہرت دلانے میں معاون ثابت ہوئیں۔

یاد رہے کہ نرمل پرجا برطانوی فوج میں 16 برس خدمات انجام دینے کے علاوہ اسپیشل فورسز میں شامل رہے۔ انہیں 2018 میں ایم بی ای سے نوازا گیا تھا۔