اسلام آباد: (رائیٹ ناؤ نیوز) ڈی جی آئی ایس پی آر لیفٹیننٹ جنرل احمد شریف نے کہا ہے کہ کشمیر ریاست کا سب سے لاڈلا بچہ ہے اور ہمیشہ پاکستان کی شہ رگ رہے گا۔ انہوں نے پریس کانفرنس میں آزاد کشمیر میں احتجاجی تحریک کے بارے میں بات کی۔

انہوں نے کہا کہ کشمیر کے مستقبل کا فیصلہ کشمیریوں نے کرنا ہے اور ان کا پاکستان سے الحاق یقینی ہے۔ بھارتی ظلم و ستم کے باوجود کشمیری پاکستان سے محبت نہیں چھوڑ سکتے۔

جنرل شریف نے بتایا کہ بھارت نے مقبوضہ کشمیر میں دس لاکھ سکیورٹی اہلکار تعینات کیے ہیں، مگر کشمیریوں کی پاکستان سے محبت کم نہ ہو سکی۔

انہوں نے کہا کہ بھارت کشمیر کے اندرونی حالات کو خراب کرنے کی کوشش کر رہا ہے، جبکہ پاکستان کی فوج نے کشمیریوں کی حمایت میں مضبوطی دکھائی ہے۔

یاد رہے کہ کشمیر پاکستان کے لیے ہمیشہ سے ایک حساس مسئلہ رہا ہے اور بھارت کی کوششوں کے باوجود وہاں کے لوگ پاکستان کے ساتھ ہیں۔