کیلیفورنیا: (رائیٹ ناؤ نیوز) ایپل نے خبردار کیا ہے کہ میموری چپس کی عالمی قلت کے باعث آئی فون کی پیداوار میں مشکلات پیش آ سکتی ہیں۔ کمپنی اضافی ذخیرہ جمع کرنے کی کوشش کر رہی ہے۔

ایپل کے تازہ مالی نتائج کے مطابق آئی فون کی فروخت میں 22 فیصد اضافہ ہوا، جبکہ میک کمپیوٹرز کی فروخت میں 29 فیصد اضافہ ریکارڈ کیا گیا ہے۔

ماہرین کے مطابق میموری چپس کی کمی، جسے ریماگیڈون بھی کہا جا رہا ہے، الیکٹرانکس صنعت کے لیے بڑا چیلنج ہے۔ اس کی وجہ سے مصنوعات کی قیمتوں میں بھی اضافہ ہو رہا ہے۔

ایپل نے گزشتہ ماہ اپنی مصنوعات کی قیمتوں میں 20 فیصد سے زیادہ اضافہ کیا، تاہم آئی فون کی قیمت میں تبدیلی نہیں کی گئی۔ تجزیہ کاروں کا کہنا ہے کہ ستمبر میں نئے ماڈلز کی لانچ کے ساتھ قیمتوں میں اضافہ ہو سکتا ہے۔

یاد رہے کہ ایپل کے چیف ایگزیکٹو ٹِم کُک نے کہا ہے کہ اگر میموری چپس کی قلت برقرار رہی تو آئی فون کی طلب پوری کرنا مشکل ہو سکتا ہے۔