اسلام آباد: (رائیٹ ناؤ نیوز) ڈی جی آئی ایس پی آر لیفٹیننٹ جنرل احمد شریف نے کہا کہ پاکستان اور سعودی عرب کا تعلق خاص اور اسٹریٹجک ہے۔ انہوں نے بتایا کہ سعودی عرب سے ہماری جذباتی وابستگی ہے اور ہم محافظ حرمین الشریفین ہیں۔

پریس بریفنگ کے دوران انہوں نے کہا کہ پاکستان اور سعودی عرب کے تعلقات مضبوط ہیں۔ سعودی عرب خادم حرمین الشریفین ہے، جبکہ پاکستان ان کی حفاظت کا ضامن ہے۔

لیفٹیننٹ جنرل احمد شریف نے مزید کہا کہ پاکستان اور یو اے ای کی دوستی بھی گہری ہے۔ دونوں ممالک کے تعلقات کو سوشل میڈیا پر غیر منطقی معروضات کا سامنا ہے۔

انہوں نے واضح کیا کہ دنیا میں کوئی دو ملک ہر معاملے پر ایک جیسا نقطہ نظر نہیں رکھتے۔ پروپیگنڈا کرنے والے ناکام رہیں گے۔

واضح رہے کہ پاکستان اور سعودی عرب کے دیرینہ تعلقات ہیں جو مختلف مواقع پر مزید مستحکم ہوئے ہیں۔ دونوں ممالک نے مختلف شعبوں میں تعاون کو فروغ دیا ہے۔