اسلام آباد: (رائیٹ ناؤ نیوز) ادارہ شماریات نے ہفتہ وار مہنگائی کی رپورٹ جاری کی ہے۔ رپورٹ کے مطابق ایک ہفتے میں 27 اشیاء کے دام بڑھ گئے ہیں۔

رپورٹ بتاتی ہے کہ 27 اشیائے ضروریہ کی قیمتوں میں اضافہ ہوا جبکہ 6 اشیاء سستی اور 18 کی قیمتیں مستحکم رہیں۔ ہفتہ وار مہنگائی میں اوسطاً 0.91 فیصد کمی ہوئی جبکہ سالانہ مہنگائی کی شرح 9.05 فیصد رہی۔

پیٹرولیم مصنوعات کی قیمتوں میں اضافے کے اثرات اشیائے خورونوش پر بھی پڑے۔ پچھلے ہفتے میں پیاز 7.62 فیصد، انڈے 3.16 فیصد اور آٹا 2 فیصد مہنگا ہوا۔ پیٹرول 2.46 فیصد، ڈیزل 4.17 فیصد اور ایل پی جی 1.90 فیصد مہنگی ہوئی۔

ٹماٹر کی قیمت میں ہفتہ وار 22.96 فیصد اور چکن کی قیمت میں 11.20 فیصد اضافہ ہوا۔ سالانہ بنیادوں پر ٹماٹر کی قیمت میں 228.71 فیصد اور پیاز میں 95.36 فیصد اضافہ ہوا۔

واضح رہے کہ سالانہ بنیادوں پر آلو 30.89 فیصد، چنے کی دال 19.89 فیصد، چکن 19.56 فیصد، چینی 17.48 فیصد اور انڈے 8.38 فیصد سستی ریکارڈ کی گئیں۔