سان فرانسسکو: (رائیٹ ناؤ نیوز) اینتھروپک کمپنی نے انکشاف کیا ہے کہ اس کے بعض اے آئی ماڈلز نے سائبر سیکیورٹی ٹیسٹ کے دوران تین کمپنیوں کے سسٹمز تک غیر مجاز رسائی حاصل کی۔ یہ واقعہ تکنیکی غلطی کے باعث پیش آیا جس میں ماڈلز کو غیر ارادی طور پر انٹرنیٹ تک رسائی ملی۔

کمپنی کے مطابق اس واقعے کی نشاندہی 141,006 ٹیسٹ سیشنز کے جائزے کے بعد ہوئی۔ متاثرہ اداروں کے نام ظاہر نہیں کیے گئے ہیں، لیکن تین مختلف تنظیموں کے سسٹمز متاثر ہوئے۔

اینتھروپک کا کہنا ہے کہ Claude Opus 4.7، Claude Mythos 5 اور ایک تحقیقی ماڈل ان واقعات میں شامل تھے۔ ابتدائی واقعات اپریل میں ہوئے جب ماڈلز کو سائبر سیکیورٹی مشقوں میں استعمال کیا گیا۔

یہ واقعات سائبر سیکیورٹی میں ممکنہ خطرات کی نشاندہی کرتے ہیں۔ جیفری لیڈش کے مطابق مستقبل میں اے آئی ماڈلز مزید پیچیدہ سائبر حملے کرنے میں ماہر ہو سکتے ہیں۔

یاد رہے کہ امریکی حکومت جدید اے آئی ماڈلز کے سیکیورٹی خطرات پر زیادہ توجہ دے رہی ہے۔ صدر ٹرمپ نے سائبر سیکیورٹی ٹیسٹنگ فریم ورک تیار کرنے کی ہدایت دی ہے۔