اسلام آباد: (رائیٹ ناؤ نیوز) حکومت نے پیٹرولیم مصنوعات کی قیمتوں میں اضافے کا نوٹیفکیشن جاری کر دیا ہے۔ پیٹرول کی قیمت میں 1 روپیہ 9 پیسے اضافہ ہوا ہے جبکہ ڈیزل کی قیمت میں 2 روپے 42 پیسے اضافہ کیا گیا ہے۔

نئی قیمتوں کے مطابق پیٹرول کی فی لیٹر قیمت 336 روپے 15 پیسے اور ڈیزل کی قیمت 393 روپے 4 پیسے مقرر کی گئی ہے۔ یہ قیمتیں 31 جولائی 2026 سے نافذ العمل ہوں گی۔

پٹرولیم ڈویژن کے مطابق یہ فیصلہ پیٹرولیم پرائسنگ کمیٹی کے اجلاس میں کیا گیا، جس کی صدارت وفاقی وزیر پٹرولیم علی پرویز ملک نے کی۔ اجلاس میں پیٹرولیم قیمتوں کے تعین کا نیا نظام زیر غور آیا۔

کمیٹی کے اراکین نے نئے پرائسنگ میکنزم کی تعریف کی اور کہا کہ اس سے قیمتوں میں شفافیت آئے گی اور اتار چڑھاؤ کم ہوگا۔ پیٹرولیم سیکٹر کی ڈی ریگولیشن کے لیے واضح اہداف مقرر کیے جا رہے ہیں۔

یاد رہے کہ حکومت نے پیٹرولیم مصنوعات کی قیمتوں میں اضافے کا یہ فیصلہ بڑھتی ہوئی عالمی مارکیٹ قیمتوں کے پیش نظر کیا ہے۔ اس سے پہلے بھی عالمی مارکیٹ کے مطابق قیمتوں میں کئی بار تبدیلی آ چکی ہے۔