کراچی: (رائیٹ ناؤ نیوز) اسٹیٹ بینک آف پاکستان کی مانیٹری پالیسی کمیٹی کا اہم اجلاس آج منعقد ہوگا جس میں نئی مانیٹری پالیسی کا اعلان ہوگا۔ ماہرین کی توقع ہے کہ شرح سود کو 11.5 فیصد پر برقرار رکھا جائے گا۔

رواں سال اپریل میں مشرق وسطیٰ کی کشیدگی کے باعث شرح سود میں 100 بیسس پوائنٹس کا اضافہ ہوا تھا۔ جون میں بھی اسے برقرار رکھا گیا تھا۔

اسٹیٹ بینک کے گورنر جمیل احمد کی زیر صدارت اجلاس میں معاشی صورتحال کا جائزہ لیا جائے گا۔ عالمی تیل کی قیمتوں میں غیر یقینی صورتحال کے پیش نظر محتاط پالیسی اپنائی جائے گی۔

ملک کے معاشی اشاریے بہتری کی سمت اشارہ کر رہے ہیں۔ کرنٹ اکاؤنٹ خسارہ 136 ملین ڈالر تک محدود رہا، جبکہ زرِ مبادلہ کے ذخائر 18 ارب ڈالر تک پہنچ گئے۔

واضح رہے کہ ملک میں مہنگائی کی شرح 11.1 فیصد رہی، جو اسٹیٹ بینک کے ہدف کے قریب ہے۔ گورنر جمیل احمد نے مہنگائی میں کمی کی امید ظاہر کی ہے۔