مظفر آباد: (رائیٹ ناؤ نیوز) چیئرمین پاکستان پیپلز پارٹی بلاول بھٹو زرداری نے کہا ہے کہ کشمور ہو یا کشمیر، کوئی بھی اپنے حق پر ڈاکا نہیں ڈالنے دے گا۔ انہوں نے کہا کہ عوام اپنے مستقبل کا فیصلہ خود کریں گے، کسی دوسرے پر انحصار نہیں کریں گے۔

میرپور: بلاول بھٹو زرداری نے انتخابی جلسے میں مسلم لیگ ن کو مسترد کرنے کی بات دوہرائی۔ انہوں نے کہا کہ آئندہ انتخابات میں عوام پیپلز پارٹی کا ساتھ دیں گے اور نشان تیر کو ووٹ دیں گے۔

بلاول بھٹو نے اپنے خطاب میں میرپور کے عوام کی قربانیوں کو سراہا۔ انہوں نے کہا کہ منگلا ڈیم کی تعمیر کے لیے لوگوں نے اپنی زمینیں قربان کیں اور اوورسیز کشمیریوں نے بھی ترسیلات زر کے ذریعے معیشت کو مضبوط بنایا۔

انہوں نے کہا کہ میرپور کے عوام کا حق اس سرزمین پر برابر کا ہے۔ پاکستان کو میرپور کا قرض ادا کرنا چاہیے اور کشمیری عوام کو بھی مساوی حقوق ملنے چاہئیں۔

یاد رہے کہ میرپور کی عوام نے ماضی میں بھی پاکستان کے لیے قربانیاں دی ہیں اور اوورسیز کشمیریوں نے ملکی معیشت میں اہم کردار ادا کیا ہے۔