اسلام آباد: (رائیٹ ناؤ نیوز) ملک میں پیٹرول کی قیمت میں 125 روپے 42 پیسے اور ہائی اسپیڈ ڈیزل کی قیمت میں 112 روپے 54 پیسے کا اضافہ ہوا ہے۔

پیٹرول کی قیمت میں شامل لیوی اور ٹیکسز کی تفصیلات کے مطابق فی لیٹر پیٹرول پر مجموعی طور پر 125 روپے 95 پیسے وصول کیے جا رہے ہیں۔ ہائی اسپیڈ ڈیزل پر 112 روپے 54 پیسے فی لیٹر لیوی اور ٹیکسز عائد کیے گئے ہیں۔

دستاویزات کے مطابق پیٹرول کی بنیادی قیمت 209 روپے 76 پیسے ہے جبکہ حکومت نے فی لیٹر قیمت 335 روپے 18 پیسے مقرر کی ہے۔ ہائی اسپیڈ ڈیزل کی بنیادی قیمت 270 روپے 92 پیسے ہے جبکہ فی لیٹر قیمت 383 روپے 46 پیسے مقرر کی گئی ہے۔

پیٹرولیم ڈویژن کے ذرائع کے مطابق 27 جولائی تک پیٹرول کی قیمت 335 روپے 18 پیسے فی لیٹر برقرار رہے گی۔ ڈیزل کی قیمت میں 4 روپے 80 پیسے اور پیٹرول کی قیمت میں 3 روپے 66 پیسے فی لیٹر اضافہ کیا گیا ہے۔

یاد رہے کہ پیٹرولیم مصنوعات کی قیمتوں میں اضافہ ملک میں مہنگائی کی لہر کو مزید بڑھا سکتا ہے، جس سے عوام کی مشکلات میں اضافہ ہوگا۔