جاپان: (رائیٹ ناؤنیوز) جاپان میں ایک شخص نے 20 سال تک اپنی بیوی سے بات نہیں کی۔ یہ انوکھا واقعہ جاپان کے جزیرے ہوکائڈو سے سامنے آیا۔

اس معاملے نے دنیا بھر کی توجہ حاصل کی ہے۔ 18 سالہ نوجوان نے ٹیلی ویژن شو میں مدد کی درخواست کی۔ نوجوان نے بتایا کہ والدین 20 سال ساتھ رہے لیکن بات چیت نہیں کی۔

رپورٹس کے مطابق، شوہر اوکو کاتایاما اور ان کی بیوی یومی نے ایک ہی گھر میں 20 سال گزارے۔ تین بچوں کی پرورش کی، لیکن شاذ و نادر ہی بات چیت ہوئی۔

اس خاموشی کی وجہ کوئی جھگڑا یا بے وفائی نہیں تھی۔ شوہر کو بیوی کی بچوں پر توجہ سے حسد محسوس ہوتا تھا، اسی لیے خاموش رہا۔

یاد رہے کہ جوڑے کے سب سے چھوٹے بیٹے نے ٹیلی ویژن پروگرام میں صلح کی درخواست کی۔ انتظامیہ نے ملاقات کا انتظام کیا، جہاں شوہر نے بیوی سے پہلی بار بات کی۔