ممبئی: (رائیٹ ناؤ نیوز) بھارتی فلم ‘دھرندھر’ کی مشہور اداکارہ عائشہ خان کو طلبہ احتجاج میں شرکت پر ممبئی پولیس نے حراست میں لے لیا۔ ویڈیو سوشل میڈیا پر وائرل ہو رہی ہے۔

عائشہ خان نے 22 جولائی کو تعلیمی اصلاحات کے احتجاج میں شرکت کی۔ بھارتی میڈیا کے مطابق عائشہ کو دیگر مظاہرین کے ساتھ حراست میں لیا گیا۔

اداکارہ نے انسٹاگرام پر بتایا کہ انہیں بلاجواز حراست میں لیا گیا۔ ویڈیو میں انہیں پولیس اہلکاروں سے بحث کرتے اور وین کے اندر سے مخاطب ہوتے دیکھا جا سکتا ہے۔

عائشہ خان نے کہا کہ 15 پولیس اہلکار انہیں حراست میں لے گئے۔ انہوں نے پوچھا کہ کس الزام پر حراست میں لیا جا رہا ہے مگر جواب نہیں ملا۔

یاد رہے کہ عائشہ نے اظہارِ رائے کی آزادی کی اہمیت پر زور دیا ہے۔ انہوں نے معاشرتی مسائل کے مقابلے میں تفریح پر زیادہ توجہ دینے پر تنقید کی۔