نئی دہلی: (رائیٹ ناؤ نیوز) بھارت میں طلبہ احتجاج کے دوران پولیس کی کارروائی پر بالی ووڈ اداکاروں نے مودی حکومت کو شدید تنقید کا نشانہ بنایا۔ نصیرالدین شاہ، پریتی زنٹا، سوناکشی سنہا، شبانہ اعظمی اور دلجیت دوسانجھ نے طلبہ کی حمایت کی۔

نصیرالدین شاہ نے ویڈیو پیغام میں کہا کہ وہ احتجاج کرنے والے طلبہ کے ساتھ ہیں۔ انہوں نے پولیس کے طاقت کے استعمال کو تاریخ میں یاد رکھنے والا عمل قرار دیا۔ طلبہ کو مایوس نہ ہونے کی تلقین کی۔

پریتی زنٹا نے سونم وانگچک اور طلبہ کی حمایت میں کہا کہ حکومت کو مذاکرات کا آغاز کرنا چاہیے۔ انہوں نے وانگچک سے بھوک ہڑتال ختم کرنے کی اپیل کی۔

اداکارہ شبانہ اعظمی نے جنتر منتر میں مظاہرین کے درمیان شرکت کی۔ انہوں نے کہا کہ پرامن احتجاج ہر شہری کا آئینی حق ہے، حکومت طلبہ کی آواز سنے۔

یاد رہے کہ بھارت میں طلبہ کے احتجاج کا سلسلہ جاری ہے اور بالی ووڈ کی شخصیات کھل کر ان کے حق میں سامنے آئی ہیں۔