حوثیوں کی دھمکی کے باعث سعودی تیل کے ٹینکرز بحرِ احمر سے واپس لوٹ گئے، جس سے عالمی تیل قیمتوں میں اضافہ ہوا ہے۔
ریاض: (رائیٹ ناؤ نیوز) حوثی گروہ کی دھمکی کے بعد بحرِ احمر سے ایشیا جانے والے دو سعودی تیل کے ٹینکرز واپس لوٹ گئے۔ حوثیوں نے سعودی جہازوں کو حملوں کا نشانہ بنانے کی دھمکی دی تھی۔
حوثیوں نے جہاز رانی کی کمپنیوں کو خط کے ذریعے متنبہ کیا کہ سعودی تیل لے جانے والے جہازوں کو ہدف بنایا جائے گا۔ اس صورتحال پر امریکی صدر ڈونلڈ ٹرمپ نے خبردار کیا کہ اگر حملہ ہوا تو امریکہ جواب دے گا۔
اس تنازعے کی وجہ سے عالمی مارکیٹ میں خام تیل کی قیمتیں دو فیصد سے زائد بڑھ گئیں۔ قیمتیں اب 91 ڈالر فی بیرل تک پہنچ چکی ہیں۔
اس کشیدگی کے دوران خطے میں جنگ کا دائرہ کار پھیل گیا ہے، جہاں ایران، کویت، بحرین اور اردن میں امریکی عسکری اڈے نشانہ بن رہے ہیں۔
یاد رہے کہ ایران پر حالیہ امریکی حملوں میں 50 شہری ہلاک ہوئے ہیں جبکہ امریکی دفاعی وزیر نے 37.5 ارب ڈالر کے اخراجات کی اطلاع دی ہے۔
