راولپنڈی: (رائیٹ ناؤ نیوز) چیئرمین پی ٹی آئی بیرسٹر گوہر نے نورین نیازی کے متنازع بیان کو ان کی ذاتی رائے قرار دیا ہے۔ انہوں نے کہا کہ بیان پارٹی پالیسی کا حصہ نہیں ہے۔

میڈیا سے گفتگو کرتے ہوئے انہوں نے کہا کہ بانی پی ٹی آئی کی بہن کا بیان سرکاری مؤقف نہیں۔ بھارت کے خلاف فتح کا ذکر کرتے ہوئے انہوں نے کہا کہ دشمن نے دوبارہ جارحیت کی کوشش کی تو سخت جواب دیا جائے گا۔

بیرسٹر گوہر نے کہا کہ ذاتی مفادات کو پس پشت ڈال کر ہی ملک مضبوط ہو سکتا ہے۔ انہوں نے پرانی چیزوں کو نہ چھیڑنے کی ضرورت پر زور دیا۔

آزاد کشمیر انتخابات کے حوالے سے انہوں نے بتایا کہ انہیں تین حصوں میں تقسیم کر دیا گیا ہے۔ پی ٹی آئی کا آزاد کشمیر الیکشن کے بائیکاٹ کا فیصلہ ابھی تک برقرار ہے۔

واضح رہے کہ نورین نیازی کا بیان پارٹی میں تنازعہ کا باعث بنا تھا۔ پارٹی قیادت نے اس بیان سے لاتعلقی کا اظہار کیا ہے۔