نیویارک: (رائیٹ ناؤ نیوز) امریکی صدر ڈونلڈ ٹرمپ نے اعلان کیا ہے کہ اسرائیلی وزیرِاعظم بنیامین نیتن یاہو کو امریکہ میں کسی بھی صورت گرفتار نہیں کیا جائے گا۔ یہ بیان نیویارک کے میئر ظہران ممدانی کی جانب سے نیتن یاہو کی ممکنہ گرفتاری کے حوالے سے قانونی جائزے کے بعد سامنے آیا ہے۔

ٹرمپ نے اپنے سوشل میڈیا پلیٹ فارم ٹروتھ سوشل پر لکھا کہ نیتن یاہو کی گرفتاری کی کوئی صورت ممکن نہیں ہوگی۔ دوسری جانب، انہوں نے اسرائیل کے کردار کو سراہا ہے۔ ممدانی نے نیتن یاہو کو جنگی مجرم قرار دیا ہے اور ہیگ میں ان کا مقام بتایا ہے۔

یاد رہے کہ نیدرلینڈز کی بین الاقوامی فوجداری عدالت نے 2024 میں نیتن یاہو کے خلاف جنگی جرائم کے الزام میں وارنٹ جاری کیا تھا۔ اسرائیل نے اس وارنٹ کو بے بنیاد قرار دیا ہے۔

نیویارک کے میئر نے کہا ہے کہ شہر کا قانونی محکمہ نیتن یاہو کی گرفتاری کے حوالے سے قانون کی اجازت کا جائزہ لے رہا ہے۔ ان کے ممکنہ دورے پر ایک بار پھر بحث شروع ہوگئی ہے۔

واضح رہے کہ بین الاقوامی فوجداری عدالت 2002 میں قائم کی گئی تھی اور اسے نسل کشی اور جنگی جرائم کے مقدمات کی سماعت کا اختیار حاصل ہے، تاہم امریکا اور اسرائیل اس کے رکن نہیں ہیں۔