اسلام آباد: (رائیٹ ناؤ نیوز) پی ٹی آئی رہنما اعجاز چوہدری نے سزا معطلی کے لیے سپریم کورٹ کا دروازہ کھٹکھٹایا ہے۔ انہوں نے لاہور ہائیکورٹ کے 28 اپریل کے فیصلے کو چیلنج کیا ہے۔

درخواست میں استدعا کی گئی ہے کہ ٹرائل کورٹ کے 11 اگست 2025 کے فیصلے کو معطل کیا جائے۔ ساتھ ہی لاہور ہائیکورٹ کے 28 اپریل کے حکم کو بھی کالعدم قرار دیا جائے۔

درخواست گزار نے کہا ہے کہ ان کا کوئی سابقہ فوجداری ریکارڈ موجود نہیں۔ مقدمے میں ان کا نام بعد میں شامل کیا گیا ہے۔

انہوں نے مزید کہا ہے کہ استغاثہ کے دونوں گواہ سرکاری ملازمین ہیں۔ لاہور ہائیکورٹ اسی مقدمے میں ایک اور ملزم کی سزا معطل کر چکی ہے۔

یاد رہے کہ اعجاز چوہدری کو سرور روڈ لاہور میں درج مقدمے میں بھی سزا سنائی جا چکی ہے۔ ایک ہی واقعے پر دو مقدمات خلاف قانون ہیں۔