اسکاٹ لینڈ: (رائیٹ ناؤنیوز) پاکستانی اداکارہ عائزہ خان اسکاٹ لینڈ میں تعطیلات منا رہی ہیں۔ وہاں سے شیئر کی گئی تصاویر نے سوشل میڈیا پر بحث چھیڑ دی ہے۔

عائزہ خان نے انسٹاگرام پر میوزیم کے دورے کی تصاویر شیئر کیں۔ ان تصاویر میں وہ بیج اسکرٹ اور اسپاگیٹی اسٹریپ ٹاپ میں نظر آئیں، جو فوراً وائرل ہوگئیں۔

تصاویر کے بعد سوشل میڈیا صارفین کی رائے منقسم ہوگئی۔ کچھ مداحوں نے عائزہ کے انداز کو سراہا جبکہ کچھ نے ان کے لباس پر تنقید کی۔

کئی مداحوں نے اداکارہ کے دفاع میں کہا کہ لباس کا انتخاب ذاتی معاملہ ہے اور اس پر تنقید مناسب نہیں۔

یاد رہے کہ عائزہ خان ٹی وی ڈراموں سے وقفہ لیے ہوئے ہیں اور جلد ہی فواد خان کے ساتھ فلمی ڈیبیو کرنے والی ہیں۔