کراچی: (رائیٹ ناؤ نیوز) گاڑیوں میں اوور دی ایئر (OTA) ٹیکنالوجی کے استعمال نے سائبر سکیورٹی کے خدشات پیدا کر دیے ہیں۔ ماہرین نے اس حوالے سے مزید حفاظتی اقدامات کی ضرورت پر زور دیا ہے۔

ایک رپورٹ کے مطابق اوور دی ایئر ٹیکنالوجی گاڑیوں کے سافٹ ویئر کو بغیر ورکشاپ گئے اپ ڈیٹ کرنے کا نظام ہے۔ یہ ٹیکنالوجی 2012 میں ٹیسلا نے سب سے پہلے متعارف کرائی تھی۔

ماہرین کے مطابق یہ ٹیکنالوجی تیز اور کم لاگت اپ ڈیٹس کے لیے مفید ہے، مگر سکیورٹی خطرات بھی بڑھ گئے ہیں۔ سوانزی یونیورسٹی کے پروفیسر سراج شیخ نے اس کی اہمیت پر زور دیا ہے۔

سنگاپور کے ماہر گیبریل لم کے مطابق یہ ٹیکنالوجی قومی سلامتی کے لیے خطرہ بن سکتی ہے۔ ناروے اور برطانیہ جیسے ممالک نے بھی خدشات کا اظہار کیا ہے۔

یاد رہے کہ اوور دی ایئر ٹیکنالوجی نہ صرف گاڑیوں بلکہ ریلوے، بحری جہاز اور دیگر صنعتی مشینری میں بھی استعمال ہو رہی ہے۔ حکومتوں کو اس کے استعمال میں شفافیت اور سکیورٹی کو یقینی بنانا ہوگا۔