شنگھائی: (رائیٹ ناؤ نیوز) آرٹیفیشل انٹیلیجنس کی دنیا میں انقلاب برپا ہو رہا ہے۔ جدید پاکٹ سائز اسمارٹ فونز انسانی آواز پر کام انجام دے سکیں گے۔

شنگھائی میں عالمی آرٹیفیشل انٹیلیجنس کانفرنس میں جدید فونز پیش کیے گئے۔ یہ فونز روایتی ایپس کے استعمال کو ختم کر سکتے ہیں۔

چینی کمپنی نوبیا نے نیوی ایکس الٹرا فون متعارف کرایا ہے۔ یہ بائٹ ڈانس کے چیٹ بوٹ ڈوباؤ سے چلتا ہے۔

واضح رہے کہ دسمبر میں ڈوباؤ فون کا ماڈل آیا تھا۔ بڑی ٹیک کمپنیوں نے ان اے آئی ایجنٹس کی راہیں مسدود کرنا شروع کر دی ہیں۔

یاد رہے کہ عالمی مارکیٹ میں مقابلہ بڑھ رہا ہے۔ ماہرین کے مطابق اگلے 5 سے 10 سالوں میں روایتی ایپس کا استعمال ختم ہو جائے گا۔